Калкты COVID-19га каршы эмдөө боюнча иш-чаралар уланууда. Министрликтердин жана административдик мекемелердин кызматкерлери да эмдөөдөн өтүүдө.
Республикалык штаб мамлекеттик кызматкерлерди COVID-19га каршы вакцинациялоо боюнча мамлекеттик органдардын рейтингин түздү.
20-сентябрга карата алынган көрсөткүчкө ылайык, Билим берүү жана илим министрлигине караштуу мекемелердин кызматкерлеринин 90,1%ы эмдөөдөн өткөн. Экинчи орунду 82%ы эмделген Өзгөчө кырдаалдар министрлиги алды. Ал эми Саламаттыкты сактоо жана социалдык өнүктүрүү министрлигинин тутумунда эмгектенгендер 77,4% эмдөөдөн өтүп, үчүнчү орунду ээледи.
Булардан тышкары
Айыл, суу чарба жана аймактарды өнүктүрүү министрлиги — 75,9%,
Инвестициялар министрлиги — 61,8%,
Экономика жана финансы министрлиги — 48,5%,
Тышкы иштер министрлиги — 44,8%,
Интеллектуалдык менчик жана инновациялар мамлекеттик кызматы — 44%,
Улуттук статистика комитети — 45%,
Мамлекеттик финансылык чалгындоо кызматы — 37%,
Улуттук Банк — 26%, Санариптик өнүктүрүү министрлиги — 25%,
Маданият, маалымат, спорт жана жаштар саясаты министрлиги — 24%,
Экология жана климат боюнча мамлекеттик комитети — 21,3%,
Эсеп палатасы — 21,4%,
Транспорт жана коммуникациялар министрлиги — 19,7%,
Энергетика жана өнөр жай министрлиги — 8,8%,
Юстиция министрлиги — 7% эмдөө алышкан.
Белгилей кетсек, 21-сентябрга карата COVID-19га каршы 1,3 миллиондон ашык вакцина колдонулган. Биринчи доза менен 774 миңден ашуун адам эмделген, экинчи доза менен 571 миңден ашык адам эмделген.