«Улуттар биримдиги» элдик партиясы Кыргызстан Элдик-демократиялык партиясы менен бирикти. Бул тууралуу «Улуттар биримдигинин» төрагасы Мелис Мырзакматов Фейсбуктагы баракчасына жазды.
Кыргызстан Элдик-демократиялык партиясын Артур Медетбеков жетектейт. Ал Улуттук коопсуздук мамлекеттик комитетинин төрагасынын мурдагы орун басары, коопсуздук маселелери боюнча эксперт.
«Улуттар биримдиги» партиясы 18-сентбярда «Көзөмөл» коомдук кыймылы менен бириккен.
Сентябрдын башында тышкы иштер министринин мурдагы орун басары Аскар Бешимов да «Улуттар биримдиги» партиясынын саясий кеңешине мүчө болгон.
Кыргызстанда парламенттик шайлоо 28-ноябрда өтөт.