Бир да мамлекет, бир да авторитардык бийлик саясатчыларды, оппоненттерди, жарандык коомду, журналисттерди куугунтуктоо менен ийгиликке жеткен эмес. Мындай пикирин абактагы саясатчы Равшан Жээнбеков бүгүнкү Кой-Таш окуясы боюнча болгон соттук отурумда билдирди.
Жээнбековдун айтымында, саясатчыларды куугунтуктаган бийликтин бардыгы туңгуюкка келип такалган.
«Канчалык басым жасаса, ошончолук бийликтин өзүнө азап болот бардыгы», — деди Жээнбеков.
Ошондой эле ал Алмазбек Атамбаев менен Фарид Ниязовду үй камагына чыгарууну, ордуна өзү кепил катары отуруп берүүнү өтүнгөн.
Эске салсак, бүгүн, 20-сентябрда Биринчи май райондук сотунда Кой-Таш окуясы боюнча отурум болуп, ага экс-президент Алмазбек Атамбаев, Президенттин аппаратынын мурдагы башчысы Фарид Ниязов жана экс-депутат Равшан Жээнбеков алып келинген.