Ош облусунда бир күндө эки ирет жер титиреди. Бул тууралуу Сейсмология институту билдирди.
Биринчи жер титирөө кечээ, 19-сентябрь саат 8:40та катталган. Силкинүүнүн очогундагы күчү 3 баллга, Чоң-Алай районунун Ачык-Суу айылындагы күчү 2 баллга жеткен.
Ушул эле күнү саат 21:21де дагы бир ирет жер силкинип, күчү Алай районунун Сары-Таш, Арча-Булак айылдарында 2.5 баллга жеткен.
Алдын ала маалыматтар боюнча кыйроолор жана жабыркагандар катталган эмес.