Кыргызстандын экс-президенти Сооронбай Жээнбеков Улуттук коопсуздук боюнча мамлекеттик комитетинде сурак берип чыкты.
Буга чейин айтылгандай, Сооронбай Жээнбеков «Кумтөр» иши боюнча экинчи жолу сурак берди.
Ал 12-августта да суракка чакырылган.
Иштин жагдайлары тууралуу толук маалымат бериле элек.
«Кумтөр» ишине байланыштуу Жогорку Кеңештин депутаттары Төрөбай Зулпукаров, Асылбек Жээнбеков, экс-депутат Исхак Пирматов жана бир топ мурдагы мамлекеттик жогорку кызматтагылар суракка алынган.
«Кумтөр» иши боюнча мурдагы өкмөт башчы Жоомарт Оторбаев да кармалды.