Министрлер кабинетинин төрагасынын орун басары Жылдыз Бакашова президенттин облустардагы өкүлдөрүнүн орун басарларынын жана райондук билим берүү бөлүмүнүн жетекчилеринин катышуусунда билим берүү уюмдарынын күз-кыш мезгилине даярдыгы боюнча жумушчу кенешме өткөрдү.
Кенешменин жүрүшүндө билим берүү объектилеринин жылытуу мезгилине даярдыгы, анын ичинде жылытуу тармактарындагы оңдоо иштерин жүргүзүү жана каржылоо маселеси талкууланды.
Жылдыз Бакашова белгилегендей, күз-кыш мезгилинде билим берүү уюмдарына жылуулук үзгүлтүксүз берилиши керек жана бардык оңдоо иштери белгиленген мөөнөттө жыйынтыкталышы зарыл.
Кеңешменин катышуучулары күз-кыш жылытуу мезгилине даярдык иштери тууралуу маалымат беришти.
«Жылытуу тутумдарын көзөмөлдөө жана каржылоо жергиликтүү бийлик органдарынын милдетине кирет. Алар мектептердеги отказандарды даярдыктан өткөрүп, 1-ноябрга карата тийиштүү түрдө өткөрүп бериши керек», — деди Бакашова.