Азыркы убакытка чейин сотко өтүнмө келип түшкөн эмес. Андыктан, Орозайым Нарматовага карата эч кандай баш коргоо чарасы тандалган жок. Бул тууралуу Бишкек шаарынын Биринчи май райондук соту билдирди.
Жазык-процесстик кодекстин 108-беренесинин 1-3-пункттарына ылайык, прокурор сотко баш коргоо чарасын кароо боюнча өтүнмө берет.
Ал өтүнмө тергөө иштеринин жүрүшү же болбосо шектүүнү, айыпкерди кармоонун негиздери боюнча материалдар сотко келип түшкөн учурдан тартып, 2 сааттын ичинде шектүүнүн, жактоочунун, прокурордун катышуусунда тергөө судьясы тарабынан каралат.
Ушул кодекстин 98-99-беренелеринде каралган тартип боюнча кармалган шектүү соттук отурумга жеткирилет.