Бишкекте жол кырсыгынан үч адам жабыркады. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Бишкек шаарынын Пудовкин менен Безымянная көчөлөрүнүн кесилишинде Mercedes-Benz жана Honda Fit унаалары сүзүшкөн.
Кырсыктан 1973-жылы туулган Ч.Т., 2000-жылы туулган Н.А. аттуу эркек кишилер жана 2007-жылы туулган Н.А. аттуу кыз жеңил жаракат алган.
Жерине 5 куткаруучу тартылып, жабыркагандарды тез жардам кызматкерлерине өткөрүп беришти.