Жогорку Кеңешке депутаттарды шайлоонун алкагында талапкерлердин тизмеси түзүлө баштайт. Календардык планга ылайык, бир мандаттуу округдардан талапкер 13-октябрга чейин көрсөтүлөт. Бул тууралуу Борбордук шайлоо комиссиясы кабарлады.
Бир мандаттуу шайлоо округдарынан депутаттыкка талапкер көрсөтүү добуш берүү күнүнө 45 календардык күн калганда бүтөт, ал 13-октябрга туш келет.
Шайлоо округдарынын схемалары шайлоо күнү дайындалгандан 7 календардык күндөн кечиктирилбестен же 6-сентябрга чейин түзүлөт.
Шайлоо округдарынын тизмелери БШКнын расмий сайтына жана жалпыга маалымдоо каражаттарына округдар бекитилген күндөн тарта 5 календардык күндүн ичинде, башкача айтканда, 10 -сентябрга чейин жарыяланат.