Токио шаарында өтүп жаткан XVI Паралимпиада оюндарында кыргызстандык спортчу Арстанбек Базаркулов 10-орун алды.
Арстанбек Базаркулов пара-жеңил атлетиканын чоюн ыргытуу түрү боюнча катышкан. Спорттун бул түрүнөн алтын медалды иорданиялык Ахмад Хинди тагынды.
Арыстанбек Базаркулов буга чейин 2016-жылы Рио-де-Жанейродо өткөн Паралимпиада оюндарына катышып, 9-орунду алган.
Эскерте кетсек, Токиодо өтүп жаткан Паралимпиада оюндарына Кыргызстандан пара-жеңил атлетиканын чоюн ыргытуу түрү боюнча Арыстанбек Базаркулов жана азиз спортчулар арасында пара-дзюдо боюнча 57 килограмм салмакта Хайитхон Хусан кызы лицензия алган.
28-августта Хайитхон Хусан кызы таймашка чыгып, казакстандык Даяна Федосовага жеңилип калган.
Токиодогу Паралимпиада оюндары 24-августта башталган. Ал 5-сентябрда аяктайт.