Жогорку артериялык кан басым менен жабыркаган адамдар коронавируска чалдыгып калганда, мурун ичип жүргөн дарыларын токтотуп коюп жатканы туура эмес. Бул тууралуу №4 Үй бүлөлүк медицина борборунун дарыгери Жамиля Кенжебаева «Маралдын» түз эфири учурунда билдирди.
Анын айтымында, COVID-19 илдетине чалдыгып калган бейтаптар дарыларын токтотпошу керек. Мурда кандай өлчөмдө ичсе, ошондой ичип, үй-бүлөлүк дарыгерлер менен тыгыз байланышта болуп туруу сунушталат.
«Гипертония өтүшүп кетсе, инсультка алып келет. Андыктан, ар дайым дарыгердин көзөмөлүндө болуп, дарыларды өз учурунда ичип турууга чакырам», — дейт ал.