Бүгүн, 1-сентябрда Жогорку Кеңештин жыйынында Авазбек Абдугапаров депутаттык ишине киришип жатып ант берди.
Ал «Республика — Ата Журт» фракциясынан Умбеталы Кыдыралиевдин ордуна келди.
Эске салсак, Умбеталы Кыдыралиев 10-августта «Кыргызалтын» ачык акционердик коомунун башкармалыгына төрага болуп дайындалган.
Мындан улам Борбордук шайлоо комиссиясы 20-августта бошогон депутаттык орунга Авазбек Абдугапаровду дайындоо жөнүндө токтом кабыл алып, мандаттык күбөлүк жана төш белги тапшырган.