Кыргызстандык окуучу Айдар Мундузбаев информатика боюнча Европалык жаштар олимпиадасында алтын алды. Буга чейин Кыргызстандан алтынды эчким ала элек болчу.
Айдар Мундузбаев Чыңгыз Айтматов атындагы лицейде билим алат.
Олимпиада 24 -августтан 28 -августка чейин онлайн режиминде өткөн. Ага 30 өлкөдөн 171 окуучу катышты. Уюштуруучу өлкө — Румыния болгон.
Олимпиадада Кыргызстандын командасында 8 окуучу болгон:
1. Айдар Мундузбаев, Чыңгыз Айтматов атындагы лицей;
2. Максат Темирбеков, «Кут билим» билим берүү комплекси;
3. Мухаммед Эргешов, «Газпром-Кыргызстан» билим берүү комплекси;
4. Эмил Талыпов, №61 Е.Якира атындагы физика-математика мектеп-лицейи;
5. Исхак Тажибаев, «Кут билим» билим берүү комплекси;
6. Нурсултан Эшперов, «Газпром-Кыргызстан» билим берүү комплекси;
7. Эдил Кадыров, «Газпром-Кыргызстан» билим берүү комплекси;
8. Владислав Кущ, №61 Е.Якира атындагы физика-математика мектеп-лицейи.
