Кечээ, 25-августта Кыргызстандын Франциядагы элчиси Садык Шер-Нияз Франциянын Европа жана Тышкы иштер министрлигинин мамлекеттик протоколунун башчысы Филипп Франкка ишеним грамотасынын көчүрмөсүн тапшырды. Бул тууралуу аталган элчиликтен билдиришти.
Эскерте кетсек, Садык Шер-Нияз элчилик кызматка 24-июнда дайындалган. Ал элчилик кызматы менен бирге БУУнун Билим берүү, илим жана маданият маселелери боюнча уюмунда (ЮНЕСКО) Кыргызстандын туруктуу өкүлү милдетин аркалайт.