Казакстанда Улуттук коопсуздук комитетинин Чек ара кызматынын бир чек ара бөлүмчөсүнө Нурсултан Назарбаевдин аты ыйгарылды.
Премьер-министр кол койгон токтомго ылайык, Алматы облусундагы «Баянкол» чек ара бөлүмчөсү Казакстандын биринчи президенти – Элбашы Нурсултан Назарбаев атындагы бөлүмчө деп аталат.
Казакстанда Нурсултан Назарбаевдин атын алып жүргөн окуу жай, китепкана, көчө жана башкалар бар. Ал 2019-жылдын 19-мартында президенттиктен кеткенден кийин 23-мартта борбор калаа Астана Назарбаевдин «урматына» Нур-Султан болуп өзгөртүлгөн.