COVID-19га каршы күрөшүп каза болгон дарыгерлердин жаркын элесине арналган эстелик И. Ахунбаев атындагы Кыргыз мамлекеттик медициналык академиясына коюлат. Бул тууралуу Министрлер кабинетинин басма сөз кызматы билдирди.
Бүгүн, 24-августта Министрлер кабинетинде Кыргызстандын көрүнүктүү ишмерлеринин элесин түбөлүккө калтыруу боюнча комиссиянын жыйынын өтүп, анда аталган маселе каралган.
Комиссия дарыгерлердин жаркын элесине арналган эстеликти Медициналык академиянын борбордук аллеясындагы музейдин жанына орнотуу чечимин кабыл алган.