«Шамбала» тасмасы Москвадагы «Будем жить» кинофестивалына катышат. Бул тууралуу Кыргызстандын Кинематография департаментинен билдиришти.
Аталган тасма 27-августтан 3-сентябрга чейин өтө турган кинофестивалдын негизги сынактык бөлүгүнө тандалып алынган.
«Шамбала» тасмасы 29-август саат 20:00дө Москва Кино үйүнүн чоң залында көрсөтүлөт.
Эскерте кетсек, Артыкпай Сүйүндүков режиссёрлук кылган «Шамбала» тасмасы Чыңгыз Айтматовдун «Ак кеме» повестинин негизинде тартылган. Буга чейин эл аралык фестивалдарда бир нече сыйлыктарды алган.