Санжарбек Болотов Инвестициялар министрлигинин алдындагы Мамлекеттик-жеке өнөктөштүк борборунун директору болуп дайындалды. Тиешелүү буйрукка Министрлер кабинетинин төрагасы Улукбек Марипов кол койду.
Санжарбек Болотов 1991-жылы 13-ноябрда туулган. Билими жогорку.
Болотов 2018-жылдан 2020-жылдын февралына чейин Өкмөттүн аппаратынын экономика жана инвестициялар бөлүмүндө эксперт болуп иштеген.
2021-жылдын 18-майында түзүмдүк өзгөрүүлөргө байланыштуу Санжарбек Болотов Президенттин администрациясынын стратегиялык өнүктүрүү саясаты жана пландоо бөлүмүнүн эксперти болуп дайындалган.