Жамааттык коопсуздук келишим уюмуна мүчө мамлекеттердин башчылары 23-августта Ооганстандагы кырдаал боюнча видеоконференция өткөрөт. Бул тууралуу Орусиянын президенти Владимир Путин Казакстандын президенти Каысм-Жомарт Токаев менен болгон жолугушууда билдирди.
«Коопсуздук маселеси – учурдагы маанилүү маселелердин бири болууда, айрыкча Ооганстандагы кырдаалга байланыштуу. Биз биринчи күнү ЖККУ алкагында видеоконференцияга чогулабыз деген үмүттөмүн», — деген ал.
Ошондой эле, Путин сентябрь айынын ортосунда мурда пландалгандай ЖККУ жана ШКУ алкагында жолугушуулар болорун белгилеген.