Кыргызстандык балбан Акыйкат Кулжигит уулу (55 кг) грек-рим күрөшү боюнча жаштар арасындагы Дүйнө чемпионатында коло байге утту .
Кыргызстандык балбан күрөштү 1/8 финалдан баштап, биринчи кармашында өзбекстандык Алимардон Абдуллаевге 5:1 эсебинде жеңилген. Бирок ал финалга өтө алгандыктан, Акыйкат Кулжигит уулу көңүл жубатуучу беттешке чыгууга мүмкүнчүлүк алган.
Көңүл жубатуучу кармашта ал румыниялык Денис Флорин Михайны 9:0 эсебинде уткан.
Коло байге үчүн күрөштө ал тажикстандык Асламжон Азизов менен күрөшүп, аны 9:0 эсебинде жеңип алды.
Белгилей кетсек, эркин, грек-рим жана кыз-келиндер күрөшү боюнча жаштар арасындагы Дүйнө чемпионаты Башкыртстандын борбору Уфа шаарында өтүүдө. 16-августта башталган чемпионат 22-августта жыйынтыкталат.
