Бүгүн, 18-августта Ооганстандан дагы 15 кыргызстандык чыгарылды. Бул тууралуу Тышкы иштер министрлигинен билдиришти.
Кыргызстандын жарандарын Кабулдан чыгаруу иштерине Казакстан көмөк көрсөткөн.
Ага байланыштуу тышкы иштер министри Руслан Казакбаев казакстандык кесиптеши Мухтар Тлеуберди менен телефон аркылуу сүйлөшүп, көрсөткөн жардамы үчүн ыраазычылык билдирген.
Эскерте кетсек, кечээ, 17-августта Ооганстандан 9 кыргызстандык мекенине жөнөтүлгөн.