«Бишкек жылуулук энерго» коммуналдык ишканасынын билдирүүсү боюнча, алдыдагы жылытуу мезгилине даярдыктарды көрүү, бардык отканаларда оңдоо иштерин өткөрүү улантылууда.
Бүгүнкү күндө 66 откананын 47си толугу менен даяр.
Казандар тазаланып, оңдолду. Насосторго, клапандарга, электр жабдууларына, автоматташтыруу жабдууларына косметикалык оңдоо иштери жасалды.
Отканалардагы бардык жумуштар «Бишкек жылуулук энерго» коммуналдык ишканасынын тыкыр көзөмөлү астында бекитилген графикке ылайык жүргүзүлдү.