19-20-августта Чолпон-Ата шаарында Евразия өкмөттөр аралык кеңешинин кезектеги жыйыны өтөт. Бул тууралуу Министрлер кабинетинин басма сөз кызматы билдирди.
Жыйынга Армениянын премьер-министри Никол Пашинян, Беларустун өкмөт башчысы Роман Головченко, Казакстандын премьер-министри Аскар Мамин, Кыргызстандын Министрлер кабинетинин төрагасы Улукбек Марипов, Орусия өкмөтүнүн төрагасы Михаил Мишустин, Евразия Экономикалык Комиссиясынын коллегиясынын төрагасы Михаил Мясникович келет.
Булардан тышкары байкоочу катары Өзбекстандын премьер-министри Абдулла Арипов, Кубанын премьер-министри Мануэль Марреро Крус (видеобайланыш аркылуу) катышат.
Өкмөттөр аралык кеңештин жыйыны тар жана кеңейтилген форматта өтөт.