Ооганстандагы «Талибан» кыймылы мамлекеттик кызматкерлерге мунапыс бергенин жар салды.
Талибдер аткаминерлерди жумуш ордуларына келип, эч чочулабастан ишин улантууга чакырды.
«Баары үчүн мунапыс жарыяланды, ошондуктан мурдагы жашоого эч коркпостон кайтып келүүгө болот», — деп айтылат «Талибандын» билдирүүсүндө.
15-августта «Талибан» кыймылы Кабулду өз карамагына өткөргөн. Учурда талибдер Ооганстандын бардык аймагын көзөмөлдөп жатат. Алар Ооганстанда «Ислам эмиратын» түзүүнү пландоодо.