Ысык-Көлдө 27-августта «Ак илбирс – тоолордун сакчысы» кинофестивалы өтөт. Бул тууралуу Кинематография департаментинен билдиришти.
Фестивалды Кыргызстандын ММА жана «Профешионал Файтинг» федерациясы уюштурууда.
Кинофестивалдын алкагында 15 мүнөткө жетпеген кыска метраждуу тасмалардын сынагы өтөт. Жеңүүчүгө 1 миң евро, экинчи орунга 750 евро жана үчүнчү орун үчүн 500 евро берилет.
Сынакка каалоочулардын баары катыша алат.
Тасманы 15-августка чейин почта аркылуу snowleomovie@gmail.com дареги боюнча аты-жөнүн, кайсы өлкөдөн экенин жана байланыш маалыматтарын көрсөтүп жөнөтүү керек.