Жалал-Абадда 20-августта республикалык «Алтын өрөөн» кол өнөрчүлөрдүн жана дизайнерлердин фестивалы өтөт. Бул тууралуу президенттин Жалал-Абад облусундагы ыйгарым укуктуу өкүлчүлүгү билдирди.
Фестиваль эгемендиктин 30 жылдыгына карата өкүлчүлүк тарабынан уюштурулууда. Ал облустук Барпы Алыкулов атындагы драма театрында өтөт.
Бул саамалыкка өлкөнүн бардык аймактарынан келген уз-чеберлер катышат.
Иш-чаранын максаты улуттук баалуулуктарды даңазалоо менен анын калк арасында кеңири жайылтуу болуп саналат.
Фестиваль улуттук кийимдердин көргөзмөсү, концерттик программа менен коштолот.