Бириккен күрөш дүйнөсү (UWW) Токиодогу Олимпиада оюндарында күмүш уткан кыргызстандык балбан кыз Айсулуу Тыныбекованы (62 кг) тарых жаратуучу деп атады.
Айсулуу Тыныбекова Кыргызстандын тарыхында Олимпиада оюндарында кыз-келиндер арасындагы күрөштө күмүш байге алган биринчи спортчу болуп калды.
Тыныбекова – Олимпиада оюндарынын күмүш байгесинин ээси, дүйнөнүн бир жолку, Азиянын төрт жолку чемпиону жана бир катар эл аралык мелдештердин жеңүүчүсү, байге ээси. Ал – кыргызстандык балбандар арасында дүйнө чемпиону болгон биринчи жана жалгыз спортчу. Кыз-келиндер арасында биринчилерден болуп Азия чемпиону аталган.