Токиодогу Олимпиада оюндарында кыз-келиндер арасындагы күрөштө кыргызстандык балбан кыз Айсулуу Тыныбекова (62 кг) 1/4 финалга чыкты.
Алгачкы беттеште Тыныбекова латвиялык Анастасия Григорьева менен күрөшүп, аны 8:0 эсебинде жеңди.
Белгилей кетсек, буга чейин 2020-жылдын декабрь айында Сербияда өткөн Дүйнө Кубогунун финалында Айсулуу Тыныбекова Анастасия Григорьева менен күрөшкөн. Анда Тыныбекова атаандашын 14:0 эсебинде жеңген.