Токиодогу Олимпиада оюндарында кыз-келиндер боюнча күрөштө Мээрим Жуманазарова (68 кг) жарым финалга чыга алган жок.
Чейрек финалда Жуманазарова нигериялык Блессинг Оборудуду менен күрөшүп, 2:3 эсебинде жеңилип калды.
Нигериялык балбан кыз финалга чыга турган болсо, Жуманазарова коло медаль үчүн таймашты улантууга мүмкүнчүлүк алат.
Белгилей кетсек, биринчи кармашында кыргызстандык балбан кыз болгариялык Мими Христова менен күрөшүп, атаандашын 7:5 эсебинде жеңген.