Кыргыз-орус өнүктүрүү фонду SAARA EXCLUSIF эмерек ишканасынын курулушуна 1 млн 73 миң доллар берет. Бул тууралуу фонддун төрагасы Артем Новиков билдирди.
Анын айтымында, бул долбоордун алкагында заманбап эмерек ишкана салынып, өндүрүш ишин автоматташтыруу үчүн керектүү жабдуулар сатылып алынат.
Ишкана ишке киришкенден кийин анда чыгарылган эмеректерди Казакстан жана Тажикстанга экспорттоо пландалууда. Ошондой эле кошумча иш орундары түзүлөрү каралган.