Кыргызстанда коронавирус жуктургандардын саны азая баштады, бирок эпидемиологиялык кырдал курч бойдон калууда. Бул тууралуу республикалык штабдан билдиришти.
Акыркы эки күндө – 25-июлда 995 жана 26-июлда 973 адамдан коронавирус табылган. Оору жуктургандардын саны акыркы эки күндө аз табылганы менен учурда эпидемиологиялык кырдаал жакшырды деп айтууга болбойт.
Штаб оорудан сактануу жана ооругандардын саны көбөйбөшү үчүн санитардык-эпидемиологиялык эрежелерди сактоо жана эмдөөдөн өтүү зарыл экенин эскертет.
Эпидемиологиялык кырдаал жакшырганга чейин массалык иш-чараларды өткөрбөй жана аларга барбай туруу сунушталат.