Борбор Азия мамлекеттеринин президенттеринин саммити 6-августта Түркмөнстандын улуттук «Аваза» туристтик аймагында өтөт.
Кечээ, 24-июлда Өзбекстандын президенти Шавкат Мирзиеев менен Түркмөнстандын президенти Гурбангулы Бердымухамедов телефон аркылуу сүйлөшүп, жолугушууга карата көрүлүп жаткан даярдыктарды талкуулаган. Анда иш-чаранын күн тартиби жана жолугушууну өткөрүүнүн программасы тууралуу сөз болгон.
Белгилей кетсек, Борбор Азия мамлекеттеринин президенттеринин кеңешме жолугушуусу былтыр Бишкекте өтмөк. Бирок коронавируска байланыштуу 2021-жылга жылдырылып, жолугушуу Түркмөнстанда өткөрүлөрү айтылган.