2032-жылы жайкы Олимпиада оюндары Австралиянын Брисбен шаарында өтөт. Мындай чечим бүгүн, 21-июлда Эл аралык Олимпиада комитетинин 138-сессиясында кабыл алынды.
Олимпиада оюндарын Брисбенде өткөрүүнү уюмдун 72 мүчөсү колдосо, бешөө каршы болду.
Буга чейин Австралияда жайкы Олимпиада оюндары эки жолу өткөрүлгөн: 1956-жылы Мельбурнда жана 2000-жылы Сиднейде.
Эскерте кетсек, 2024-жылкы Олимпиада оюндары Парижде (Франция), ал эми 2028-жылкы Оюндар Лос-Анджелесте (АКШ) өтөт.