Кыргызстан күз-кыш мезгилине карата Бишкек ЖЭБи үчүн Казакстандан 643 миң тонна көмүр алат. Бул тууралуу «Электр станциялары» компаниясы билдирди.
Бишкек ЖЭБи үчүн Казакстандын Кара-Жыра көмүрү сатып алынууда.
Кечээ, 18-июлда 25 вагон менен Кара-Жыра көмүрүнүн биринчи партиясы келген. Келишимге ылайык 643 миң тонна көмүрдүн баары 2022-жылдын апрель айына чейин алынып келет.
Бишкек ЖЭБине күз-кыш мезгили үчүн Кара-Кечеден да көмүр сатып алынат.