Кыргызстанда сабиздин баасы арзандай баштады. Бул тууралуу Монополияга каршы агенттик билдирди.
Агенттик белгилегендей, базарларга сабиздин жаңы түшүмү келе баштагандыктан жана агенттик жүргүзгөн иштерден улам сабиздин баалары арзандай баштаган.
Учурда «Сары-Өзөн» базарында жуулган сабиздин килограммы 50 сом, жуулбаганы 45 сомдон сатылууда. Башка базарларда сабиздин баасы 60-70 сом болууда.
Эскерте кетсек, өткөн айда сабиздин баасы 100 сомдон ашып кеткен.