Быйыл январь-июнь айларында Кыргызстандын Ички дүң продукциясы (ИДП) дээрлик 271 млрд сомду түздү. Бул тууралуу Улуттук статистика комитетинен билдиришти.
Былтыркы жылдын алты айына караганда ИДП 1,7%га азайган.
Ошол эле учурда «Кумтөр» ишканаларын эсепке албаганда ИДП 242 млрд сомдон ашып, 3,7%га көбөйгөн.
ИДПнын төмөндөшү курулуш, өндүрүш тармагына байланыштуу болгон.
Белгилей кетсек, быйылкы жылдын беш айынын жыйынтыгы боюнча ИДП 192 млрд сомду түзгөн.