Ош шаарында күнү-түнү иштей турган үч эмдөө пункту ачылды. Бул тууралуу Ош шаарынын мэриясынан билдиришти.
Күнү-түнү эмдөө тез жардам станциясында, Ак-Тилек кичи районундагы шаардык оорукана жана Курманжан Датка көчөсүндө жайгашкан эски шаардык ооруканада жүргүзүлөт.
Ошондой эле күндүз эмдөө жүргүзүлө турган эмдөө жайлары да бар:
— №1, 2, 3, 4, 5, 6, 7, 8, 9, 10, 11 үй-бүлөлүк дарыгерлер борборунда;
— Аэропорт шаарчасынын жана Ош мамлекеттик университетинин дарылоо пункттарында;
— Сай, Орке, Тээке, Арек, Төлөйкөн, Жапалактагы ФАПтар, «Алмалык», «Пятилетка», «Сулайман-Тоо», «Озгур», «Беш-Калпак» ФАПтарында;
— Гагарин, Алтыбаев, №27 Партсъезд жана Горький атындагы мектептерде;
— Ош шаарынын борбордук базары, «Фрунзе» жана «Келечек» кичи базарларында;
— «Глобус», «Фрунзе » гипермаркетинде, ошондой эле, Амир-Тимур аймагында жайгашкан почтада эмдөө жүрөт.
Ар бир үй-бүлөлүк дарыгерлер борборунун алдында эмдөөгө чейин кеңеш алуу үчүн мобилдик топтор уюштурулган. Ош шаары боюнча 12 мобилдик топ бар.
Вакцина алууга келгендердин жанында паспорту (ID-карт) болушу керек.