Кыргызстандын Орусиядагы элчилиги Москва шаарынын Химки районунда белгисиз адамдар менен болгон чыр-чатактан улам жаракат алган 4 кыргыз жараны тууралуу социалдык тармактарда тарап жаткан маалыматтар боюнча түшүндүрмө берди .
Элчилик Орусиянын тиешелүү органдары окуянын күнөөкөрлөрүн издеп жатканын билдирет.
«Социалдык тармактарда чыр-чатак улуттар аралык негизде келип чыккан деген маалыматтар чындыкка дал келбейт», — деп билдирет элчилик.
Элчилик Орусиядагы Кыргызстандын жарандарын чагымчылдыкка алдырбоого жана Орусиянын мыйзамдарын сактоого чакырат.
