Эверестти багындырган кыргызстандык Эдуард Кубатов Кыргызстандын Улуттук Олимпиада комитетинин Алтын ордени менен сыйланды. Бул тууралуу ал фейсбуктагы баракчасына жазды.
«Алтын орден – Эверестке чыккандыгым үчүн өлкөбүздүн Олимпиада комитетинин жогорку сыйлыгы. Аткаруучу комитетке бул сыйы үчүн ыраазычылык билдирем», — деп жазган ал.
Эскерте кетсек, Эдуард Кубатов Эверестке быйыл май айында чыккан. Ал дүйнөнүн эң бийик чокусун багындырган экинчи кыргызстандык болду. Ага чейин 1997-жылы Дмитрий Греков Эверестти багындырган.
Эверест – Жер шарындагы эң бийик чоку болуп эсептелет. Анын бийиктиги дээрлик 8 миң 849 метрге жетет.
