«Ош – Сары-Таш – Эркечтам» жолунда 2 унаа жол кырсыгына учурап, 2 киши каза болду. Бул тууралуу Өзгөчө кырдаалдар министрлигинен билдиришти.
Жол кырсыгы аталган жолдун 70-чакырымында (Алай району, Кара-Булак айылы) болуп, Lexus LX 570 менен Toyota Corolla унаалары кагылышкан.
Жол кырсыктын кесепетинен 2 адам каза болуп (1 аял, 1 эркек), 3 киши жабыркаган (1 аял, 2 эркек).
Кырсыктан жабыркаган жарандарды тез жардам кызматы Алай райондук ооруканасына жеткирген.
Ал эми каза болгон жарандардын сөөктөрү ИИМ кызматкерлерине өткөрүлүп берилген.