Борбордук шайлоо комиссиясы Бишкек, Ош жана Токмок шаарларында өтүп жаткан шайлоолордогу мыйзам бузуулар боюнча Ыкчам чара көрүү боюнча координациялык топко кабар берүүнү суранат.
Белгилей кетсек, бүгүн, 11-июль күнү Бишкек, Ош жана Токмок калааларында шаардык кеңештерге кайра шайлоо өтүүдө. Шайлоо эртең мененки саат 08:00дө башталды.
Ыкчам координациялык топтун байланыш номерлери:
Кыска номер – 1255
WhatsApp – 0990 021255
Жарандардын кайрылуулар үчүн – 0502 001255
Ишеним телефону – 0312 626246
Коомдук кабылдама – 0312 660240
Электрондук дарек – kgor_cec@shailoo.gov.kg
Борбордук шайлоо комиссия шаардык кеңештердеги шайлоого катышып жаткан партияларды шайлоо мыйзамдарын бузбоого чакырат.
Аталган үч шаардагы шайлоого шайлоочулардын тизмесине 617 миң 517 киши киргизилген. Анын ичинен Бишкекте – 426 миң 699, Ош шаарында – 152 миң 718 жана Токмокто 38 миң 100 шайлоочу. Шайлоо 326 шайлоо тилкесинде жүрүүдө.
Борбор калаада шайлоого 18 партия, Ош шаарында 8 жана Токмокто 6 партия катышууда.