Чүй облусунун Ысык-Ата районуна караштуу Эпкин айылындагы көлмөгө эки кыз чөгүп кетип каза тапты. Бул тууралуу Өзгөчө кырдаалдар министрлиги билдирди.
Кечээ, 9-июлда «102» кызматына жаш кыздардын көлмөгө чөгүп кеткени боюнча кабарлама түшкөн.
ӨКМдин 3 куткаруучусу жеринде издөө иштерин жүргүзүп, 2003-жылы туулган К.А. жана 2005-жылы туулган Э кызы А.нын сөөгүн суудан алып чыгышкан.
Кыздардын сөөгү Ички иштер министрлигине өткөрүлүп берилген.