Быйыл алты ай ичинде өлкөдө 46 млрд 969 млн сом салык чогултулду. Бул тууралуу Мамлекеттик салык кызматынын төрагасы Илияз Иманбетов билдирди.
Анын айтымында, белгиленген план 2 млрд 580 млн сомго ашык аткарылган.
«Республикалык бюджетке 37 млрд 817,8 млн сом, жергиликтүү бюджеттерге 9 млрд 151 млн сом жыйналды», — деди ал.
Ал белгилегендей, быйыл алты айда салык былтыркы жылга караганда 13 млрд көп чогултулду.
Жыл аягына чейин 96 млрд 700 млн сом чогултуу пландалган.