Ош облусунда мыйзамсыз ташылып келген 1,6 млн сомдук тамеки кармалды. Бул тууралуу Мамлекеттик бажы кызматынан билдиришти.
Ноокат районунун Он Эки-Бел айылында мыйзамсыз товар ташууга шектелип «С.А.И.» аттуу жаран айдап келе жаткан «Мерседес-Бенц Спринтер» унаасы токтотулуп, текшерүүгө алынган.
Унааны текшерүү учурунда Бириккен Араб Эмираттарында чыгарылган «Milano» үлгүсүндөгү 240 миң даана тамеки табылган. Анын баасы 1,6 млн сомду түзгөн.