Мамлекеттик салык кызматы транспорт, турак жай жана жер салыктарын төлөө мөөнөтү жакындап калганын эскертет.
Салык кызматынан белгилешкендей, 1-сентябрга чейин транспорт каражаты, 2-сентябрга чейин турак үйлөр, батирлер үчүн (ишкердик иш үчүн колдонулбаган) жана жер салыктарын төлөө зарыл.
Салыкты банк кассаларында, почта бөлүмдөрүндө, төлөм жана POS-терминалдар, мобилдик банкинг жана уюлдук тиркемелер, төлөм карталары же башка жол аркылуу төлөөгө болот.
Салыктын суммасын Салык кызматынын сайтындагы электрондук калькулятордун жардамы менен өз алдынча эсептөөгө болот (Электрондук сервистер – Электрондук жардамчылар жана калькулятор).
Толук маалыматты «116» номери аркылуу же Салык кызматынын сайтынан алууга болот.