Кечээ, 3-июлда Ферганада Өзбекстан, Тажикстан жана Кыргызстандын делегациялары чек ара маселеси боюнча жолугушуу өткөрдү. Бул тууралуу өкмөттүн маалымат кызматы кабарлады.
«Тараптар сүйлөшүүлөрдүн жүрүшүндө үч өлкөнүн мамлекеттик чек араларынын кесилишкен жайлары боюнча сунуштарды талкуулашты. Жыйындын аягында тийиштүү протокол кабыл алынды», — деп айтылат маалыматта.
Чек ара боюнча үч өлкөнүн делегацияларынын кезектеги жыйыны Кыргызстанда болмокчу.
Белгилей кетсек, ушул жылдын 25-мартында кыргыз-өзбек чек араларын тактоо боюнча Ташкентте жолугушуу болгон.