Дүйнөдө эмгек мигранттарынын саны 169 миллионго жетти. Бул тууралуу Эл аралык эмгек уюмунун баяндамасында айтылат.
Эмгек мигранттарынын 99 миллиону эркектер болсо, 70 миллиону – аялдар. Ошол эле учурда эмгек мигранттарынын арасында жаштардын саны артып, 10%га жеткен.
Баяндамага ылайык, мигранттардын 66,2%ы кызмат көрсөтүү, 26,7%ы өнөр жай жана 7,1%ы айыл чарба тармагында иштейт.
Белгилей кетсек, Кыргызстандан чет жерге иштегени кеткен адамдардын саны миллиондон ашат. Алардын басымдуу бөлүгү Орусияда эмгектенет.