Ички иштер министрлигинин «Шумкар» атайын багыттагы полкунун командири, милициянын полковниги Аскат Султаналиев полктун Баткен шаарында жайгашкан ротасынын өздүк курамын көзөмөлдөө үчүн иш сапарда жүрөт.
Иш сапардын негизги максаты: кызматкерлерди моралдык-психологиялык жактан тарбиялоо, колдоо, ишине дем берүү, ошондой эле турмуш-тиричилик шартын изилдеп, кызматкерлер арасында кызматтык тартипти, мыйзамдуулукту жана өздүк курамдын күжүрмөн даярдыгын жогорку деңгээлде кармоо, жеке тарбиялоо иштерин жүргүзүүдө бардык күч-аракеттерди жана ыкмаларды колдонуу, кесиптик жөндөмдөрүн үзгүлтүксүз жакшыртуу, чек ара аймактарында кыраакылыгын жогорулатуу.
Эскерте кетсек, полктун Баткен облусунда жайгашкан өзүнчө ротасынын өздүк курамы Тажикстан менен чектешкен Ак-Сай айылында күнү-түнү кызмат өтөп, коомдук тартипти жана жарандардын коопсуздугун сакталышын көзөмөлдөөдө.