Өкмөт тараптан балдар үйлөрүн камсыздоо үчүн бөлүнүп жаткан каражаттар көп учурда максаттуу колдонулбайт. Бул тууралуу «Балдар укугун коргоочулардын лигасы» коомдук фондунун башчысы Назгүл Турдубекова «Маралдын» түз эфиринде билдирди.
Анын айтымында, Кыргызстанда жетим жана майып балдар үчүн 137 балдар үйлөрү бар. Жыл сайын өкмөт ал үйлөргө жарым миллиард сом бөлөт.
Ал каражатты мекемедеги баланын санына бөлгөндө, ар бирине 3-4 миң доллардан тийет. Бирок жүргүзүлгөн аудит балдарга кагаз жүзүндө ал каражаттын 15%ы гана жетерин, иш жүзүндө андан да аз экенин аныктаган.