Бактыбек Турдубеков Энергетика жана өнөр жай министрлигинин алдындагы «Бишкек штамптоочу заводу» мамлекеттик ишканасына жетекчи болуп дайындалды.
Тиешелүү буйрукка Министрлер кабинетинин төрагасы Улукбек Марипов кол койгон.
Бактыбек Турдубеков 1977-жылы 5-майда Каракол шаарында төрөлгөн.
Билими:
2007-жылы — Ош мамлекеттик университетинин бизнес жана менеджмент факультетин аяктаган;
2012-жылы — Эл аралык университеттин юриспруденция багыты боюнча бакалавр даражасын алган.
Эмгек жолу:
2005-2008-жылдары — «Абант Сервис» тазалоо компаниясынын башкы директору;
2006-2008 -жылдары — «Эл аралык «Манас» аэропортунун директорлор кеңешинин мүчөсү;
2008-2011-жылдары — «Түндүк электр» ишканасынын директорлор кеңешинин мүчөсү;
2008-2010-жылдары — «Бишкек машина куруу заводунун» биринчи вице-президенти;
2009-2011-жылдары — «Бишкек жылуулук тармагында» директорлор кеңешинин мүчөсү;
2010-2013-жылдары — «Бишкек машина куруу заводунда» маркетинг жана жарнама бөлүмүнүн башчысы;
2013-2014-жылдары — «Бишкек штамптоочу заводунда» директордун орун басары;
2014-2018-жылдары — «Бишкек штамптоочу заводунун» директору;
2018-2019-жылдары — Эл аралык «Манас» аэропортунун директорлор кеңешинин мүчөсү;
Үй бүлөлүү, эки баланын атасы. Англис, түрк, немис, орус тилдеринде эркин сүйлөйт.
